COMUNICADO DO COMITÉ DE FOLGA II
XDO. VIOLENCIA SOBRE A MULLER
EXCLUSIVO DE VIGO
• O Tribunal Superior de Xustiza e Alfonso Rueda, que ao principio negaban a situación que se vive no Xulgado de Violencia contra a Muller, xa empezan a falar de que "hai aspectos mellorables nos Xulgados de Violencia de Xénero”
O goberno da Xunta de Galicia está a demostrar que é un goberno MACHISTA, a día de hoxe non se puxo en contacto para solventar os problemas denunciados polos traballadores e por Alternativas na Xustiza-CUT.
Nomear mulleres Conselleiras non deixa de ser un feito hipócrita se non se poñen os medios necesarios na LOITA CONTRA A LACRA DA VIOLENCIA CONTRA A MULLER (educación, xustiza, asociacions, pisos, axudas)
O Sr Rueda falta á verdade cando afirma que necesita esperar o informe do TSXG para decidir medidas. O Persoal de Xustiza, o psicólogo, os habitáculos para as vítimas, as medidas para que os traballadores podan ampliar a xornada DEPENDEN ÚNICA E EXCLUSIVAMENTE DA XUNTA DE GALICIA E DO SR. RUEDA EN PARTICULAR.
Tamén nos gustaría saber como poden tomar medidas sen falar cos traballadores que están todos os días coas mulleres maltratadas e cos profesionais. A Xunta mostra unha improvisación absoluta.
• NON PODE SER que moitas mulleres maltratadas non denuncien por falta de confianza no sistema xudicial.
• NON PODE SER que as medidas provisionalisimas teñan máis de 4 meses de retraso, provocando que os menores estén durante este tempo en contacto co maltratador.
• NON PODE SER que os Menores teñan que ser coidados polos traballadores do xulgado mentras declara a maltratada.
• NON PODE SER que os traballadores do xulgado estén de garda de luns a venres todo o ano.
• NON PODE SER que o xulgado asuma os quebrantamentos coa nova reforma lexislativa, co mesmo cadro de persoal
POR DIGNIDADE E POR DEREITO
Etiquetas: Vigo , Violencia de xénero , Xulgados
