Solidariedade cos delegados sindicais represaliados

2 de xullo de 2018

A labor dun verdadeiro sindicato é a defensa dos dereitos d@s traballador@s e a loita por unhas condicións dignas de traballo.



A universalidade desta loita durante 3 meses de folga indefinida mantida desde o 7 de febreiro fixo aflorar a solidaridade (linguaxe universal da clase obreira) de moitos colectivos cos traballadores e traballadoras da xustiza galega nesta loita digna, pechada en falso pola venda dos sindicatos amarelos.

A represión é a resposta da administración para cos delegados sindicais que fixeron fronte e non se doblegaron. O castigo exemplarizante é a medicina para futuras loitas. Castigo e represión polo único delito de defender os dereitos laborais e a dignidade.

Esta universalidade fixo e fai que esta folga histórica sexa coñecida en toda Europa, e as mensaxes de solidaridade cheguen desde os puntos máis diversos e desde todo tipo de colectivos.