Un ano despois do remate da folga indefinida na xustiza galega, que durou tres meses, como
consecuencia da prepotencia do conselleiro Alfonso Rueda e que rematou con un acordo asinado por
menos do 40% dos representantes d@s traballador@s e en contra da vontade de máis do 50% do
colectivo, que nas votacións realizadas nos centros de traballo dixo “NON” ao acordo, a situación en
órganos xa saturados de por sí é máis grave.
Xa no seu día, dende ALTERNATIVAS NA XUSTIZA-CUT advertíamos do erro de aprobar un plan de
actuación “cutre e moi limitado no tempo”, e, agora, á vista dos feitos, fanse realidade os nosos
pronósticos. XA NON SON SÓ PLANS MÍNIMOS SENÓN ILÓXICOS E ARBITRARIOS, froito do
descoñecemento e falta de interese por parte dos artífices dos mesmos. Máis, se temos en conta que
son integrantes da comisión a Xunta de Galicia, o TSXG e teñen como elemento de traballo as
estatísticas trimestrais do CXPX. A situación dos xulgados do Penal de Galicia foi sempre moi
complicada: tanto pola falta de medios materiais e persoais como polas cargas de traballo que ven sendo
denunciada por AXG-CUT, tanto nas mesas de negociación como nos medios de comunicación dende
hai moito tempo. A materia de estes xulgados pode ser calificada como “sensible”: tráfico de drogas /
violencia / alcolemias / condución temeraria / …
 |
| Preme para ampliar |
 |
| Preme para ampliar |
