Dende a mañá en que explotaron as catro bombas en Atocha, Santa Eugenia e El Pozo ata o 14 de marzo, cando os españois estaban chamados a votar, o Goberno e o partido de José María Aznar insistiron en non dicir toda a verdade. Durante os tres días que seguiron, os españois viron como o Goberno intentaba beneficiarse das dúbidas sobre a autoría e seguía sinalando a ETA cando as probas xa apuntaban aos islamitas.
O entón ministro do Interior, Ángel Acebes, chamou "miserables" aos que dubidaron da versión oficial. A indignación levou a moitos cidadáns a protestar fronte á sede do PP na rúa Xénova durante a xornada de reflexión. Ao día seguinte, o PSOE gañou as eleccións xerais e José Luis Rodríguez Zapatero compareceu en Ferraz. A vitoria socialista empezou cun minuto de silencio polas vítimas.
Etiquetas: Vídeos