"publicado en prensa"
Así está a Xustiza un ano despois da longa folga dos seus funcionarios.
As posturas son encontradas entre os axentes implicados. Asinado o acordo que puxo fin ás mobilizacións laborais, os sindicatos que non asinaron, entre eles a CIG e a CUT, falan de incumprimentos e de deixar fóra puntos importantes para o funcionamento do sistema xudicial. Mentres, UGT, CCOO, dous dos sindicatos que si asinaron e a Dirección Xeral de Xustiza da Xunta, coinciden en cualificar de normalidade a situación actual.
