AXG-CUT reclama a actualización da normativa de permisos, licenzas e vacacións e a equiparación con outras CCAA

5 de xuño de 2019

A normativa en vigor de permisos, licenzas e vacacións para o colectivo de xustiza en Galicia data do DOG do 8 de abril de 2009. Dende entón, unha serie de dereitos recoñecidos e adquiridos para @s traballador@s de xeito "extraoficial", provoca que a DXX exerza de forma unilateral as decisións adoptadas sobre estes dereitos. Un dos mellores exemplos son os 7 días de vacacións que se podían disfrutar soltos e acumulalos aos días de asuntos particulares, na normativa "extraoficial" do ano 2013, pero, no 2019 xa foi "revocado" tal dereito. Un novo exemplo de discriminación con respecto á grande maioría de compañeir@s do resto do Estado (unha decisión capciosa e caprichosa da DXX): no territorio Mº, Cataluña ou Asturias non existe a incompatibilidade argumentada elaborada pola DXX. Un novo "CASTIGO" ao noso colectivo por parte de Rueda e os seus acólitos.

Preme para ampliar

Vamos xuntos compañeir@s

Quen somos?

Un grupo de funcionarias e funcionarios que, como integrantes da administración de Xustiza, consideramos necesario manter una actitude activa e reivindicativa na defensa dos nosos dereitos, dende a convicción de que non son concesións graciosas da Administración senón o resultado da presión e da mobilización.

Que é Alternativas na xustiza galega?

Un sindicato, confederado coa Central Unitaria de Traballadores/as (CUT), combativo e de clase, que desenvolve a súa actividade na defensa dos intereses de todos os traballadores e traballadoras de Galicia en xeral, e da administración de Xustiza en particular, e na defensa dos servizos públicos, e que pretende ofrecer propostas para a mellora das nosas condicións de traballo e alternativas para unha administración de Xustiza entendida como un verdadeiro servizo público dentro dunha sociedade máis xusta, solidaria e igualitaria.

Máis información e ficha de afiliación, aquí