Non se crearán novos xulgados. As novas prazas de maxistrados serán para as audiencias provinciais

8 de setembro de 2014

Na reunión da comisión mixta presidida por Miguel Ángel Cadeas, presidente do TSXG, e Alfonso Rueda, vicepresidente da Xunta, que se celebrou hoxe, abordouse a distribución de novas prazas de xuíz e maxistrado creadas polo Ministerio de Xustiza.

A Galicia correspóndenlle este ano doce novas prazas, cinco de maxistrado e sete de xuíces de adscrición territorial. A distribución acordada destas prazas levou a cabo baixo criterios obxectivos baseados na carga de traballo e nas necesidades dos órganos xudiciais de Galicia. Así, a comisión mixta proporá ao Ministerio que as novas prazas de maxistrado se cren nas audiencias da Coruña (sección segunda e sexta, con sede esta última en Santiago), Lugo (sección 2ª, penal), Ourense (sección 2ª, penal) e Pontevedra (sede en Vigo).

Publicado o 08/09/2014 en www.lavozdegalicia.es

Ligazón
Etiquetas: Xuíces

Vamos xuntos compañeir@s

Quen somos?

Un grupo de funcionarias e funcionarios que, como integrantes da administración de Xustiza, consideramos necesario manter una actitude activa e reivindicativa na defensa dos nosos dereitos, dende a convicción de que non son concesións graciosas da Administración senón o resultado da presión e da mobilización.

Que é Alternativas na xustiza galega?

Un sindicato, confederado coa Central Unitaria de Traballadores/as (CUT), combativo e de clase, que desenvolve a súa actividade na defensa dos intereses de todos os traballadores e traballadoras de Galicia en xeral, e da administración de Xustiza en particular, e na defensa dos servizos públicos, e que pretende ofrecer propostas para a mellora das nosas condicións de traballo e alternativas para unha administración de Xustiza entendida como un verdadeiro servizo público dentro dunha sociedade máis xusta, solidaria e igualitaria.

Máis información e ficha de afiliación, aquí