A Asociación Galega de Consumidores e Usuarios (ACOUGA) acusa á Xunta da situación xerada por dous meses e medio de folga ininterrompida e o seu crecente impacto para os cidadáns galegos e os operadores xurídicos.
A través dun comunicado manifesta o seu radical rexeitamento da política negociadora emprendida pola Xunta de Galicia. E pon especial énfase na responsabilidade que lles atinxe ao seu presidente, Alberto Núñez Feijoo, ao seu vicepresidente, Alfonso Rueda, e ao director xeral de Función Pública, José María Barreiro Díaz.
