"O nivel da inundación foi importante debido a que hai moitos expedientes mollados, mesmo se teme pola posibilidade de que algún deles sexa irrecuperábel", denunciou o sindicato Alternativas na Xustiza.
O sindicato Alternativas na Xustiza, dependente da Central Unitaria de Traballadoras (CUT), denunciou esta sexta feira que as chuvias dos últimos días provocaron "inundacións" na Cidade da Xustiza de Vigo.
Segundo indicou Alternativas na Xustiza nun comunicado, ademais do "ridículo espazo" que existe para os arquivos xudiciais, menos de 30.000 caixas polas máis de 110.000 que había nos baixos da rúa Lalín, agora hai que engadir as "inundacións" que tiveron lugar con motivo das importantes chuvias dos últimos días.
