Erros no cálculo do IRPF na nómina do mes de xuño

26 de xuño de 2015


Róubannos o CAT a cara descuberta e inda por riba descontan mal o IRPF

Na nómina do mes de xuño, a maiores do roubo do CAT (Complemento Autonómico Transitorio), recóllese unha nova tomadura de pelo por parte do Goberno de Alberto Núñez Feijoo.

A tomadura de pelo consiste en incluír no cálculo do IRPF o CAT que non cobramos co argumento, segundo a información das habilitacións, de que o programa informático é o que é e non pode cambiarse ningún concepto, neste caso o CAT, e polo tanto teñen que calcular o IRPF con todos os conceptos aínda que non se cobren.

A TOMADURAS DE PELO FLAGRANTES, SOLUCIÓNS PATÉTICAS


Segundo as propias habilitacións a solución a esta tomadura de pelo consiste en que durante as seguintes nóminas se nos regularizara o IRPF para devolvernos o diñeiro que nos acaban de “sisar”

Dende Alternativas na Xustiza-CUT temos dubidas de que as nóminas do mes de xuño non escondan unha falsidade documental. Trasladaremos a nosa asesoría xurídica a posibilidade de presentar unha denuncia contra a Xunta de Galicia.

É evidente que esta tomadura de pelo non é nada comparada cos descontos por estar de baixa, eliminación da paga 2012, supresión de días vacacións e asuntos particulares, supresión da acción social, supresión do CAT nos meses de xuño e decembro (de 2015 a 2017 Galicia será a única CCAA de todo o Estado na que se aplique este desconto). Pero é unha gota máis que non pode quedar sen resposta. A resignación nunca é unha opción.