A Xustiza critica a “imposición política” dos xuíces de paz en Galicia

23 de agosto de 2016

Entrada dos Xulgados de Santiago
Foto: CC BY-SA Praza Pública

O Tribunal Superior de Xustiza de Galicia (TSXG) vén de lanzar unha crítica contra a “imposición política” dos xuíces de paz, persoas que non teñen por que dispor de estudos de dereito pero que se encargan de trámites xudiciais menores nos pobos máis pequenos e cuxo traballo repercute na axilidade da xustiza e a súa proximidade ao cidadán. Elixidos polas corporacións municipais, o alto tribunal galego critica que estas os seleccionan baixo o seu “libre albedrío” e obvian os principios de igualdade, mérito e capacidade, ademais da condición de “home bo” que deberían cumprir.

A crítica do TSXG contra a inxerencia política das corporacións municipais na xustiza e o propio sistema de elección dos xuíces de paz aparece recollida este ano por primeira vez na súa memoria anual, que vén de facer pública logo de ser aprobada polo pleno da súa sala de goberno o pasado 15 de xuño. O galego é ademais o único tribunal superior de España que amosa as súas críticas por esa “imposición política” dos xuíces de paz.

Ler a nova completa en Praza Pública