AXG-CUT logra evitar a amortización dunha praza de Tramitación PA na Audiencia Provincial da Coruña

10 de xullo de 2017

Alternativas na Xustiza-Cut logra por primeira vez evitar, tras os escritos e sobre todo a denuncia nos medios de comunicación a amortización dunha das prazas que aparecen no plan de amortización do ano 2013, en particular a praza de Tramitación da Sección 2ª da Audiencia Provincial da Coruña.

Ao conseguir que a Xunta publicara a praza en substitución vertical como praza vacante, logramos o recoñecemento da praza.

Agora o seguinte paso será lograr en mesa sectorial, cuxa convocatoria solicitamos en escrito de data 31 de maio, que a Dirección Xeral de Xustiza revogue as amortizacións practicadas nas Audiencias Provincias de Galicia e paralice o resto, e en consecuencia que ditas prazas (vacantes) saian ofertadas non concurso de traslado.

ligazón escrito de 31 de maio

ligazón escrito 04 de xullo

ligazón denuncia nos medios de comunicación

Vamos xuntos compañeir@s

Quen somos?

Un grupo de funcionarias e funcionarios que, como integrantes da administración de Xustiza, consideramos necesario manter una actitude activa e reivindicativa na defensa dos nosos dereitos, dende a convicción de que non son concesións graciosas da Administración senón o resultado da presión e da mobilización.

Que é Alternativas na xustiza galega?

Un sindicato, confederado coa Central Unitaria de Traballadores/as (CUT), combativo e de clase, que desenvolve a súa actividade na defensa dos intereses de todos os traballadores e traballadoras de Galicia en xeral, e da administración de Xustiza en particular, e na defensa dos servizos públicos, e que pretende ofrecer propostas para a mellora das nosas condicións de traballo e alternativas para unha administración de Xustiza entendida como un verdadeiro servizo público dentro dunha sociedade máis xusta, solidaria e igualitaria.

Máis información e ficha de afiliación, aquí