O Rexistro Civil de Vigo implanta a cita previa por internet

8 de abril de 2021


"publicado en prensa"


O Rexistro Civil de Vigo implanta a cita previa por internet.

A través da web www.xustiza.gal pódese reservar quenda.

O Rexistro Civil de Vigo comezou a dar cita previa a través de internet para realizar a maioría dos seus trámites. Trátase de evitar a coincidencia de varias persoas e os desprazamentos innecesarios. Na páxina web www.xustiza.gal, ademais de reservar quenda, pódense descargar algúns dos formularios que hai que cumprimentar, así como as instrucións e a documentación que é necesaria achegar para a execución dos trámites. Por outra banda, a oficina habilitou un número de teléfono (886 218 498) para simplificar o contacto coa cidadanía.