"publicado na intranet"
Vense de publicar na intranet; A Secretaría Xeral de Política Lingüística anunciou no DOG do 14 de febreiro a convocatoria de cursos preparatorios para as probas Celga, de niveis 1, 2, 3 e 4, tanto presenciais coma en liña.
Trátase de catro cursos presenciais de nivel 4 na Coruña, Ferrol, Santiago de Compostela e Vigo, de tres cursos presenciais de nivel 3 en Lugo, Ourense e Pontevedra e dun curso presencial do nivel 2 en Ourense.
A formación en liña abrangue 27 cursos dos catro niveis convocados.
Todas estas actividades formativas terán lugar entre o 21 de marzo e o 12 de maio de 2022.
As solicitudes deberán facerse na Plataforma de teleformación da Secretaría Xeral de Política Lingüística, unicamente se admite unha solicitude por persoa e o prazo é de 15 días hábiles a partir do día seguinte á publicación do anuncio no DOG, é dicir, até o 7 de marzo.
Máis información no DOG do 14 de febreiro de 2022. e no web da SXPL.
