Listaxe definitiva da bolsa de interinos de médicos forenses

No Diario Oficial de Galicia número 122, do 1 de xullo de 2015, publícase a Resolución do 15 de xuño de 2015 pola que se aproba a listaxe definitiva da bolsa de interinos de médicos forenses convocada por Orde do 29 de setembro de 2014.


Ligazón

Texto

En cumprimento do establecido na Orde do 29 de setembro de 2014 pola que se establece o procedemento de selección e nomeamento de persoal interino do corpo de médicos forenses e se convoca a correspondente bolsa, e logo de os interesados neste procedemento interpoñeren diversas reclamacións ás valoracións provisionais e de se resolveren estas, de acordo co establecido no punto 3 da base cuarta do artigo 3 da dita orde

RESOLVO:

1. Aprobar definitivamente a baremación de méritos dos admitidos e acordar a súa publicación no sitio web da Vicepresidencia e Consellería de Presidencia, Administracións Públicas e Xustiza e mais na intranet de Xustiza.

2. Que as listaxes definitivas da bolsa de interinos entrarán en vigor o día seguinte ao da publicación do anuncio da súa exposición no Diario Oficial de Galicia.

Contra esta resolución, que esgota a vía administrativa, poderase interpor recurso contencioso-administrativo no prazo de dous meses desde o día seguinte ao da súa publicación, ou ben recurso potestativo de reposición no prazo dun mes ante este centro directivo.

Santiago de Compostela, 15 de xuño de 2015

Ligazón para a consulta das listaxes