O Tribunal Superior de Xustiza de Galicia (TSXG) nomeou a unha xuíza interina (figura coñecida como jac) para substituír a partir de mañá á maxistrada que estará varios meses de baixa por maternidade. A substitución será este venres, cando a actual xuíza tome a baixa. A súa substituta provén do xulgado de primeira instancia número 6 de Vigo, onde cubría a vacante doutra maxistrada.
Algúns funcionarios mostraron hoxe a súa satisfacción pola chegada da xuíza de substitución para evitar situacións como as ocorridas en tres días da semana pasada cando a actual xuíza, que á súa vez substitúe á titular, pediu días libres para acudir a citas médicas por motivo do seu embarazo. Substituíuna a xuíza de garda, cando terminaba as súas tarefas aínda, pero un día púxose enferma e, segundo varias testemuñas, o xulgado quedou desatendido, suspendéronse declaracións e xuízos civís e as vítimas de malos tratas tiveron que esperar durante horas a prestar declaración.
Estas situacións solucionaranse a partir do venres cando chegue a nova substituta que asumirá o mando do xulgado de Violencia número 1 de Vigo durante catro meses.
Publicado o 23/10/2014 en www.lavozdegalicia.es
Ligazón permanente
Etiquetas:
Vigo
,
Violencia de xénero
,
Xuíces
