Unha concentración nas portas do complexo administrativo de San Caetano, convocada pola delegación autonómica de varios sindicatos, lembrou este xoves á Xunta e, en concreto, ao vicepresidente e conselleiro responsable da área xudicial, Alfonso Rueda, que os funcionarios están dispostos a "non dar marcha atrás" e continuar coa súa folga indefinida, que supera os dous meses, senón hai un acordo "xusto".
Con presenza policial nas portas e acompañados dun cabezudo que representaba ao presidente, Alberto Núñez Feijóo, os funcionarios luciron os seus xa coñecidas camisetas azuis contra a "discriminación", entoaron consignas como "aínda que chova ou aínda que neve, a xustiza non se vende", e portaron carteis --con bolígrafo incluído-- cunha mensaxe para Rueda: "Abre a porta, imos asinar os 300 euros".