Nesta data entra en vigor a Lei 3/2020, de 18 de setembro, de medidas procesuais e organizativas para facer fronte ao COVID-19 no ámbito da Administración de Xustiza, na que se inclúe o fomento do teletraballo coa finalidade de recuperar a actividade ordinaria das oficinas xudiciais e fiscais e facer compatible esta coa adecuada protección da saúde do persoal da Administración de Xustiza, do resto de profesionais e dos particulares que acoden ás súas sedes.
En consecuencia, e mentres non haxa unha regulación específica desta modalidade de prestación de servizos no ámbito da Administración de Xustiza, cómpre manter as medidas establecidas na antes referida Resolución de 8 de xuño de 2020, desta Dirección Xeral de Xustiza.
