La voz de Galicia destaca por ser o medio de comunicación máis subvencionado do estado. Cada vez que saen axudas aos medios o xornal coruñés ocupa o primeiro posto no ranking de cantidades dadas a dedo polo executivo de Alberto Núñez Feijoo. Ademais diso, o xornal da Coruña encárgase da maquetación e edición do Diario Oficial de Galicia, traballo polo que tamén recibe un bo pellizco da Xunta de Galicia.
Todo o anterior fixo reflexionar ao executivo galego e ao consello de administración do grupo editorial que anunciarán, nos próximos días, a fusión do DOG e da Voz de Galicia nunha única cabeceira.
O público recibe esta fusión con alegría. O noso medio preguntou a varios lectores a súa opinión sobre a fusión. “Así xa non nos levamos a engano”, comenta un acérrimo lector. Fefa, coruñesa de María Pita, comenta “Tengo miedo, el DOG se edita también en gallego. Solo faltaba que, co nesto, la Voz tuviera alguna palabra en el dialecto ese”.
Xornalistas do medio indicaron que “Éche o que hai! Xa eramos a voz oficiosa de Feijoo, agora seremos tamén a voz oficial”.
Outras novas:
Sondaxe contratará a Arguiñano para a cociña das súas enquisas
Publicado en http://temposgalegos.com/
É unha broma.
‘Tempos Galegos’ é un xornal, magazine, revista e blogue satírico, retranqueiro que ten coma finalidade única o entretemento. Todo o contido é ficción e non se corresponde coa realidade . Todas as referencias, nomes, marcas ou institucións que poidan ser mencionados nesta web son utilizados como elementos contextuais, como en calquera novela ou unha historia ficticia.
Todo é brincadeira!
Pero, está tan lonxe da realidade?
Etiquetas: Citas , Humor
