“Lembro aquela vez en que para a presentación da informatización na Audiencia Provincial de Pontevedra instalaron un ordenador, non existían daquela nos xulgados, para que Fraga Iribarne saíra diante dos medios de Comunicación co ordenador e unha vez que marcharon desmontaron o ordenador e marcharon con él.”
Casualidades ou non!!!, é agora, despois de 3 meses de folga cun seguimento espectacular, cando os “inspectores” aparecen polos xulgados identificando aos traballadores, como se de repente pasaramos a ser uns “incumpridores natos”.
Como servidores públicos que somos compartimos que existan inspeccións que melloren o servizo e controlen o funcionamento do mesmo, pero a triste realidade é que único que fan é xerar unha sensación de coacción sobre os traballadores.
Ante a incompetencia á hora de xestionar as inspeccións por parte do “patético” Director Xeral, que mantivo unha folga artificialmente durante 3 meses, xunto aos catro traidores, imos darlle a nosa opinión de como deberían funcionar as inspeccións:
· Inspeccionar o funcionamento das impresoras e fotocopiadoras, o número de impresoras estropeadas, os problemas continuos co tóner, e o tempo na solución de averías das mesmas.
· Preguntar aos traballadores a súa valoración do funcionamento de Lexnet sobre a problemática diaria no seu uso.
· Preguntar tamén aos traballadores polo funcionamento lamentable do programa informático MINERVA e polos erros ortográficos dos modelos de tramitación dos expedientes xudiciais.
· Interesarse polo desenvolvemento da experiencia “piloto” no expediente dixital, para dotar a estes xulgados dos medios tecnolóxicos e materiais máis axeitados.
· Preguntar polos constantes problemas na realización nas vídeoconferencias, a escaseza de aparatos para realizalas, posibles problemas no seu funcionamento, etc..
· Preguntar sobre o material de oficina, boligrafos, mesas, teclados, cadeiras, reposapés, télefonos, aire acondicionado, etc...
· Inspeccionar se os Maxistrados e Letrados Xudiciais están presentes nas dilixencias que marca a Lei.
· Inspeccionar os arquivos xudiciais e propoñer as solucións oportunas. A saturación dos mesmos e a falta de espazo foi denunciada xa ata a saciedade.
A verdadeira defensa do Servizo Público da Xustiza pasa inexcusablemente por poñer os medios para a mellora do mesmo, e para iso é imprescindible que a Administración solicite a opinión dos que traballaran día a día nos Xulgados e dende logo iso non se consigue con inspeccións que no mellor dos casos teñen un fin “revanchista” contra os traballadores que non asumiron un acordo asinado ás costas dos traballadores.
 |
| Preme para ampliar |
