"publicado no DOG"
Vense de publicar no DOG; RESOLUCIÓN do 22 de xuño de 2022 pola que se convoca o webinario A
protección do denunciante: Plan de prevención de riscos de xestión e medidas
antifraude da Xunta de Galicia.
Convocar o webinario A protección do denunciante: Plan de prevención de riscos de
xestión e medidas antifraude da Xunta de Galicia.
Esta actividade está dirixida ao persoal empregado público, en situación de servizo
activo ou asimilada, da Administración autonómica galega, das súas entidades públicas
instrumentais e da Administración institucional, da Administración local e das universidades
do Sistema universitario de Galicia.
Desenvolvemento
Data: martes 5 de xullo de 2022.
Modo de impartición: telepresenza.
Horario: das 12.00 ás 14.00 horas.
Duración: 2 horas lectivas.
Número de prazas
Cen (100).
Inscrición
1. As solicitudes de participación nesta actividade formativa só se poderán realizar mediante o formulario de matrícula telemática dispoñible no enderezo <https://egap.xunta.gal/matricula>.
O prazo para a inscrición estará aberto desde as 8.00 horas do día seguinte ao da
publicación desta resolución no Diario Oficial de Galicia ata as 23.55 horas do día 3 de
xullo de 2022.
