TRAXECTORIA PROFESIONAL

Traxectoria profesional. Nova convocatoria

"Publicado hoxe no DOGA"

RESOLUCIÓN do 25 de marzo de 2024, da Dirección Xeral de Xustiza, pola que se dá publicidade ao Acordo acadado o 17 de xaneiro, entre a Xunta de Galicia e as organizacións sindicais SPJ-USO, STAJ, AXG-CUT, UGT, CSIF e CC.OO., para a implantación do réxime extraordinario de acceso aos graos I e II da traxectoria profesional para o persoal ao servizo da Administración de xustiza.

 -A quen vai dirixido? Ao funcionario da Administración de xustiza en Galicia non incluído nos anteriores acordos e convocatorias referidas ao ano 2022.

 Queda excluído do acceso a este réxime extraordinario o persoal que xa tivese recoñecido algún grao da traxectoria profesional na convocatoria de 2022.

-A solicitude realizarase a través da Oficina virtual do persoal da Administración de xustiza (OPAX)

-Prazo de presentación de solicitudes: 30 días hábiles contados desde o día seguinte ao da publicación no Doga.

-Os efectos económicos serán do 1 de abril de 2024

-Os graos adquiriranse no corpo en que se teña a condición de funcionario (de carreira ou interino) o día 31 de marzo de 2024. Polo tanto, o tempo de servizos prestados con anterioridade a esa data, sexa cal sexa o vínculo xurídico do/da empregado/a, computarase para os efectos de adquirir o grao no corpo a que efectivamente se pertenza o día 31 de marzo de 2024. 

-En función das dispoñibilidades orzamentarias, o pagamento producirase de maneira progresiva en 3 anualidades, con efectos económicos do 1 de abril de 2024 e do 1 de xaneiro dos restantes anos, coa distribución que se indica :

     -En 2024, o 33 %.

     - En 2025, o 66 %

     - En 2026, o 100 %. 

-O persoal interino percibirá o complemento da traxectoria profesional ata o momento do cesamento.

De ser nomeado de novo persoal interino nesta Administración, seguirá a cobrar o grao ou graos que tivese recoñecidos.  

Ligazón Doga

Traxectoria profesional. Grao II Corpo de xestión procesual e administrativa e médicos forenses

"publicado na intranet" 

Vense de publicar na intranet.  O 02.02.2023 comeza o prazo de presentación de solicitudes do grao II do corpo de xestión procesual e administrativa e de médicos forenses convocado pola Resolución do 17 de novembro de 2022, da Dirección Xeral de Xustiza, pola que se dá publicidade ao Acordo do Consello da Xunta de Galicia do 17 de novembro de 2022, polo que se aproba o Acordo do 14 de novembro de 2022 entre a Xunta de Galicia e as organizacións sindicais polo que se convoca o procedemento de acceso aos graos I e II do sistema transitorio extraordinario de recoñecemento da progresión na traxectoria profesional para o persoal ao servizo da Administración de xustiza.  A data de finalización de presentación das solicitudes é o 22.02.2023 

Instrucións: A solicitude debe facerse e presentarse obrigratoriamente de maneira telemática a través da OPAX. Ao entrar en OPAX, aparecerá, tanto no menú lateral coma nos accesos directos, unha ligazón a "traxectoria profesional". Ao premer no enlace de traxectoria profesional, o sistema informará a persoa solicitante se cumpre ou non os requisitos segundo os datos que figuran neste.

No primeiro caso (reúne requisitos): deberá acceder á solicitude, gravala, asinala e presentala. 

No segundo caso (non reúne un ou varios dos requisitos): unha vez acceda á solicitude, deberá marcar o/s requisito/s que non consta/n precargado/s pero que a persoa solicitante pode acreditar; para o que achegará a documentación xustificativa correspondente xunto coa propia solicitude.

Instrucións para solicitar o próximo luns (21 de novembro) a Traxectoria Profesional.

"publicado no DOG"

A Dirección Xeral de Xustiza ven de publicar no DOG do día de hoxe; RESOLUCIÓN do 17 de novembro de 2022, da DXX, pola que se dá publicidade ao Acordo do Consello da Xunta de Galicia do 17 de novembro  de 2022, polo que se aproba o acordo do  14 de novembro de 2022 entre a Xunta de Galicia e as organización sindicais polo que se convoca o procedemento de acceso aos graos I e II do sistema transitorio extraordinario de recoñecemento da progresión na traxectoria profesional para o persoal ao servizo  da Administración de xustiza.

PROCEDEMENTO:

Que debemos saber da Traxectoria Profesional?

Publicado acordo Traxectoria profesional do persoal ao servizo da Administración de xustiza.

 "publicado no DOG"

A Dirección Xeral de Xustiza ven de publicar no DOG do día de hoxe; RESOLUCIÓN do 14 de novembro de 2022, da DXX, pola que se dá publicidade ao Acordo do Consello da Xunta de Galicia do 3 de novembro, polo que se aproba o Acordo do de outubro de 2022 entre a Xunta de Galicia e as organización sindicais SPJ-USO, STAJ, AXG-CUT, UGT, CIG E CC.OO. para o desenvolvemento do sistema transitorio de recoñecemento da progresión na traxectoria profesional do persoal ao servizo da Administración de xustiza.

Calendario da Traxectoria Profesional

Borrador para a negociación da Traxectoria Profesional

A DXX ven de remitir o Borrador da Traxectoria Profesional que será negociada mañá as 11:30 horas na Mesa Sectorial pola Administración de Xustiza e OOSS.

Se queres acceder ao contido completo do Borrador preme aquí

Traxectoria Profesional. Situación a setembro do 2022

Fin a unha discriminación flagrante! Traxectoria para tod@s

Logo de  máis de 2 anos de discriminación e tras a sinatura dun acordo ás costas dos traballadores que estivemos 3 meses en folga o TSXG deixa en evidencia aos Sindicatos SPJ-USO, UGT e CCOO. 

O TSXG ven de ditar a primeira das sentenzas pola que se recoñece, como defendía AXG-CUT na súa demanda, o dereito dos funcionarios interinos a cobrar a traxectoria profesional extraordinaria igual que os funcionarios titulares. 

Agora confiamos en que o TSXG tamén confirme a demanda presentada por AXG-CUT que permita que os Xestores e Médicos Forenses cobren nos mesmos prazos que os tramitadores e auxilios.

TRAXECTORIA PROFESIONAL GRAO I; relación de solicitudes estimadas e desestimadas

"publicado no DOG"

Vense de publicar no DOG; RESOLUCIÓN do 20 de novembro de 2020, da Dirección Xeral de Xustiza, pola que se aproba a relación de solicitudes estimadas e desestimadas relativas ao recoñecemento extraordinario do grao I da traxectoria profesional do persoal ao servizo da Administración de xustiza en Galicia.

Aprobar a relación de solicitudes estimadas e desestimadas relativas ao recoñecemento extraordinario do grao I da traxectoria profesional do persoal ao servizo da Administración de Xustiza en Galicia.

 

Por causa do carácter persoal dos datos vinculados a estas, o acceso por parte da persoa interesada á información relativa á estimación ou desestimación da súa solicitude realizarase a través da Oficina Virtual do Persoal da Administración de Xustiza de Galicia (OPAX).

Rosa Lía cóntache as verdades da carreira profesional

 Rosa Lía fai unha análise da carreira profesioal na administración de xustiza de Galiza. Entérate ben!

TRAXECTORIA PROFESIONAL: GRAO I

"publicado no DOG"

A Dirección Xeral de Xustiza ven de publicar no DOG do día de hoxe; RESOLUCIÓN do 25 de setembro de 2020, da DXX, pola que se dá publicidade ao Acordo do Consello da Xunta de Galicia do 17 de setembro de 2020, polo que se aproba o acordo acadado o 3 de agosto de 2020 entre a Administración da Comunidade Autónoma de Galicia e as organizacións sindicais SPJ-USO, UGT e CC.OO. para a implantación do réxime extraordinario de acceso ao grao I do sistema de traxectoria profesional do persoal ao servizo da Administración de xustiza en Galicia.

AXG-CUT presenta DEMANDA CONTENCIOSO-ADMINISTRATIVA contra o acordo da traxectoria profesional

O pasado día 29 de xullo ALTERNATIVAS NA XUSTIZA-CUT interpuxo demanda ante a Sala do Contencioso - Administrativo polo acordo de traxectoria profesional asinado, unha vez máis,  pola DXX e as tres OOSS asinantes do acordo do 23 de maio de 2018. Acordo  que pretendían "BLINDAR"  o desenvolvemento dos puntos do acordo  e deixar fóra desa negociación a máis do 50 por cento da representación d@s traballador@s.

O contido do acordo, rexeitado na súa totalidade por parte de AXG-CUT, cuxas eivas son moitas, por non dicir o texto integral do acordo. 

• Adía mes tras mes a percepción das cantidades correspondentes  a cada un dos corpos.
• Discrimina entre os corpos, pois médicos forenses e xestores procesuais, tardan en consolidar o seu grao dous anos máis que tramitadores procesuais e auxilios xudiciais.
• Un orzamento de 860.000 € adicado a este fin; pero sen desglosar de forma explícita as cantidades a percibir.
• Absoluta inseguridade en anos vindeiros de percibir o complemento supeditado "ás dispoñibilidades orzamentarias".
• A catro meses de rematar 2020, tendo efecto retroactivo desde 1.1.2020 aínda non hai data para cobrar.
• Exclusión d@s funcionari@s interin@s da carreira profesional.

Ligazón ao borrador do acordo

Acordo discriminatorio e en diferido da carreira (agora traxectoria) profesional

Valoración de ALTERNATIVAS NA XUSTIZA-CUT do acordo sobre a traxectoria profesional publicado hoxe no DOG:

1. O citado acordo está cheo de "cláusulas" que limitan de forma expresa a posibilidade de que sexa unha realidade segura cara ao futuro, e de que cheguemos a cobralo.
2. A coletilla "segundo as dispoñibilidades orzamentarias" xa o deixa absolutamente claro: este ano figura unha partida nos orzamentos para este fin, pero qué acontecerá nos seguintes anos?
3.As cantidades a percibir nos distintos graos (0  a 4) NON CONSOLIDAN e deixaremos de percibilos cando nos xubilemos.
4. @s traballador@s que ronden os 50 anos nunca acadarán o 100% do acordo.
5. @s traballador@s INTERINOS QUEDAN EXPULSADO da carreira profesional dende o minuto 1.
6. @s XPA e os médicos forenses son discriminados con respecto aos corpos de TPA E AX pois os seus prazos para acadar a consolidación do grao require máis anos.
7. Na "claúsula de salvagarda" non imos só @s traballador@s da administración de xustiza, senón que entramos no lote dos 90.000 funcionari@s da administración autonómica.
8. En ningunha parte do acordo se recolle que ningún curso, nin os de liguaxe xurídica, non caduquen aos 5 anos.
9. Unha carreira profesional CONDICIONADA A PASAR UNHA AVALIACIÓN FAVORABLE (que supón "implicación coa organización", "implicación na NOX, etc) pero se especificar  quén o cómo se vai facer esa avaliación.